"Рома" ҳужумчиси Пауло Дибала "Ювентус"даги собиқ жамоадоши Криштиану Роналду билан муносабатлари ҳақида гапирди.
"Бир марта самолётда учганимизни эслайман, Криштиану ёнимга ўтирди. Биз нафақат футбол ҳақида суҳбатлашдик. Суҳбатнинг қайсидир жойида мен ундан нафратланишимни айтдим. Бунинг сабаби, мен доим Мессини қўллаб-қувватлаганман. Биз бу ҳақда гапириб, кулишдик. Айтмоқчиманки, мен Роналду билан яхши муносабатда бўлганман", - деди Дибала DAZN билан суҳбатда.
Айни дамда Криштиану Саудия Арабистони чемпионатида "Ан-Наср" сафида ўйнамоқда. 38 ёшли португалиялик 11 та ўйинда майдонга тушиб, 11 та гол урди ва 2 та голли узатмани амалга оширди.
