"ПСЖ"да ишлари юришмаган ярим ҳимоячи Фабиан Руис катта эҳтимол билан ёзда жамоани тарк этади.
Маълум бўлишича, 27 ёшли испаниялик футболчининг фаолиятини давом эттириш учун иккита вариант бор. Биринчиси Туриннинг “Ювентус”и, иккинчиси Севильянинг “Бетис”и. Фабианнинг трансфер нархи 38 миллион еврога баҳоланмоқда.
Руис ўтган ёзда "Наполи"дан парижликлар сафига қўшилган эди. Унинг клуб билан шартномаси 2027 йилнинг ўрталарига қадар мўлжалланган.
Франция чемпионатининг жорий мавсумида Фабиан 23 ўйин ўтказиб, битта гол ва битта голли узатмага муаллифлик қилган.
