“Манчестер Сити” “Арсенал” устидан қозонилган ғалабали сериясини 8 ўйинга етказди.
Пеп Гвардиола шогирдлари бугун Премьер-лиганинг 33-турида рақибни йирик 4:1 ҳисобида мағлуб этишди.
“Канонирлар” охирги марта 2020 йилнинг 18 июлида – Англия кубогида ушбу қарама-қаршиликда ғалаба қилишганди. Ўшанда ярим финалда 2:0 ҳисобида "канонирлар" муваффақият қозонган.
Шундан буён “шаҳарликлар” кетма-кет 8 марта умумий 21:4 ҳисобида ғалаба қозонишган.