Мюнхеннинг "Бавария" клуби ёзги трансфер ойнасида қанот ярим ҳимоячиси Серж Гнабрини сотиш бўйича таклифларни кўриб чиқишга тайёр.
Бу ҳақда нуфузли инсайдер Флориан Плеттенберг хабар бермоқда.
Манбага кўра, "Бавария" қанот ярим ҳимоячиларидан бири билан хайрлашмоқчи ва Гнабри бўйича таклифларни тинглашга тайёр. Футболчининг ўзи ҳали Мюнхен клубидаги келажаги борасида бир қарорга келмаган, бироқ у жамоадаги ўрнидан норози экани қайд этилган. Ҳозирча бошқа клубга ўтиш борасида аниқ музокаралар ўтказилмаган.
27 ёшли Гнабри жорий мавсумда "Бавария" сафида барча турнирларда ўйнаган 42 ўйинда 12 гол ва 11 голга ассистентлик қилган. Унинг шартномаси 2026 йилгача мўлжалланган.