Мадриднинг “Реал” клуби бош мураббийи Карло Анчелотти Ла Лиганинг 32-тури доирасидаги “Альмерия”га қарши ўйин олдидан ўз тахминлари билан ўртоқлашди.
“Жирона”га қарши ўйинда ёмон ўйнадик, шунинг учун “Альмерия”га қарши ўйинда ўзимизнинг энг яхши версиямизни кўрсатмоқчимиз. Ростини айтсам, бу мавсумда биз Ла Лигада унчалик яхши ўйнамадик, ҳозир бу турнирда концентрация етишмаяпти, аммо маълум сабабларга кўра, бизнинг устуворликларимиз кўпроқ Испания кубоги ва Чемпионлар лигасига қаратилган”, деди Анчелотти матбуот анжуманида.
"Реал" - "Альмерия" учрашуви эртага, 29 апрель куни бўлиб ўтади, учрашув бошланиши - Тошкент вақти билан 21.30.
