Madridning “Real” klubi bosh murabbiyi Karlo Anchelotti La Liganing 32-turi doirasidagi “Almeriya”ga qarshi o‘yin oldidan o‘z taxminlari bilan o‘rtoqlashdi.
“Jirona”ga qarshi o‘yinda yomon o‘ynadik, shuning uchun “Almeriya”ga qarshi o‘yinda o‘zimizning eng yaxshi versiyamizni ko‘rsatmoqchimiz. Rostini aytsam, bu mavsumda biz La Ligada unchalik yaxshi o‘ynamadik, hozir bu turnirda konsentrasiya yetishmayapti, ammo ma’lum sabablarga ko‘ra, bizning ustuvorliklarimiz ko‘proq Ispaniya kubogi va Chempionlar ligasiga qaratilgan”, dedi Anchelotti matbuot anjumanida.
"Real" - "Almeriya" uchrashuvi ertaga, 29 aprel kuni bo‘lib o‘tadi, uchrashuv boshlanishi - Toshkent vaqti bilan 21.30.
