"Барселона" бош мураббийи Хави клуб Лионель Мессининг қайтиши бўйича Ла Лига вакиллари билан йиғилиш ўтказганини тасдиқлади.
"Ҳа, "Барселона" Ла Лига билан учрашди, лекин фақатгина Леонинг қайтиши ҳақида эмас. Кўрамиз, келаси мавсум учун таркибни кучайтира оламизми? Аммо ҳозир бу муҳим масала эмас – ҳозирда бор эътиборимизни чемпионликни қўлга киритиш вазифасига қаратганмиз”, — дея Хавининг сўзларини келтиради Goal портали.
Шанба куни “Барселона” Испания чемпионати доирасидаги уй учрашувини “Бетис”га қарши ўтказади. Баҳс 23:59'да старт олади.
