Трент Александер-Арнольд Премьер-лигадаги сўнгги 5 ўйинида 6 та голли узатмани амалга оширди.
«Тоттенхэм»га қарши 34-тур учрашувида «Ливерпуль» ҳимоячиси 3-дақиқада Кертис Жонсга голли узатма берди.
Трент Премьер-лиганинг сўнгги 5 ўйиннинг барчасида голли узатмаларни амалга ошириб келмоқда. Бу унинг фаолиятидаги иккинчи шундай серия ҳисобланади. Охирги марта 2019 йилда шундай муваффақиятга эришган.
«Ливерпуль» ҳимоячиси Премьер-лига тарихидаги фаолияти давомида кетма-кет бешта ўйинда голли узатмаларни амалга оширган ва бу серияни икки марта қайд этган ягона футболчидир.
