"Атлетико Мадрид" бош мураббийи Диего Симеоне жамоаси ҳужумчиси Антуан Гризманни мақтади.

"Матрасчилар" Ла Лига доирасидаги сафарда "Вальядолид"ни мағлуб этди (5:2), франциялик футболчи ўз ҳисобига иккита голли узатма ёздириб қўйди.

“Бугун барча ҳужумчиларимиз ўз ҳиссаларини қўшишди ва улар жамоага керак бўлганда ўз сифатини кўрсатишга тайёр эканликларидан жуда хурсандман.

Гризманн — ўзига хос футболчи. У, албатта, "Атлетико" тарихидаги энг яхшиларидан бирига айланиши мумкин. Умид қиламанки, у бу ерда узоқ вақт ўйнайди", - деди Симеоне ўйиндан кейинги интервюсида.