Англия чемпионатининг 34-турида «Ливерпуль» Диого Жотанинг голи эвазига «Тоттенхэм»дан ғалабани тортиб олди.
Португалиялик футболчи ўйин натижалари ҳақида фикр билдирди, у ғалаба голини урганидан жуда хурсанд эканлигини айтди.
«Мен ва жамоа учун муҳим лаҳза бўлди. Сўнгги дақиқадаги ғалаба голи доимо ёдда қолади. Лекин 3:0 ҳисобида олдинда бўлганимиз ва рақибга ҳисобни тенглаштиришга имкон берганимиз ёмон.
Бироқ менталитет ўз ишини қилди – биз олдинга ўтиб, тўртинчи голни урдик. Умид қиламанки, бу яна давом этади», - деди Жота.
