Эрлинг Холанд «Манчестер Сити»даги дебют мавсумида 50 та гол урди. Бунинг учун норвегиялик 44 та ўйин ўтказди.
Холанддан ташқари Англия олий дивизиони тарихида атиги 4 нафар футболчи бир мавсумда барча мусобақаларда 50 та гол урган.
Буни Дикси Дин (1927/28 йилги мавсумда 63 та гол), Вик Уотсон (1929/30 йилги мавсумда 50 та гол) ва Том Уоринг (1930/31 йилги мавсумда 50 та гол) амалга оширган.
Эрлинг Премьер-лигада 34 та, Чемпионлар лигасида 12 та, Англия кубогида 3 та ва лига кубогида 1 та гол урган. У фақат «Ливерпуль» билан Англия Суперкубоги учун ўйинда гол ура олмади.
Бундан ташқари, Холанд Премьер-лига мавсумидаги голлар сони бўйича рекордни такрорлади. «Фулхэм» дарвозасига пенальтидан урилган гол норвегиялик учун Премьер-лигадаги 34-гол бўлди.
Аввалроқ Холанд 2017/18 йилги мавсумда Муҳаммад Салоҳ томонидан ўрнатилган 38 та турдан иборат чемпионатдаги (20 та жамоа) гол уриш бўйича рекордни янгилаган эди.
Энди у умумий рекордни такрорлади (ўйинлар сонини ҳисобга олмаганда). Энди Коул (1993/94 йилги мавсумда) ва Алан Ширернинг (1994/95) ҳар бирида 34 тадан гол бор эди - улар 22 жамоадан иборат 42 та турлик чемпионатда шунча гол уришган.
