Erling Xoland «Manchester Siti»dagi debyut mavsumida 50 ta gol urdi. Buning uchun norvegiyalik 44 ta o‘yin o‘tkazdi.

Xolanddan tashqari Angliya oliy divizioni tarixida atigi 4 nafar futbolchi bir mavsumda barcha musobaqalarda 50 ta gol urgan.

Buni Diksi Din (1927/28 yilgi mavsumda 63 ta gol), Vik Uotson (1929/30 yilgi mavsumda 50 ta gol) va Tom Uoring (1930/31 yilgi mavsumda 50 ta gol) amalga oshirgan.

Erling Premyer-ligada 34 ta, Chempionlar ligasida 12 ta, Angliya kubogida 3 ta va liga kubogida 1 ta gol urgan. U faqat «Liverpul» bilan Angliya Superkubogi uchun o‘yinda gol ura olmadi.

Bundan tashqari, Xoland Premyer-liga mavsumidagi gollar soni bo‘yicha rekordni takrorladi. «Fulxem» darvozasiga penaltidan urilgan gol norvegiyalik uchun Premyer-ligadagi 34-gol bo‘ldi.

Avvalroq Xoland 2017/18 yilgi mavsumda Muhammad Saloh tomonidan o‘rnatilgan 38 ta turdan iborat chempionatdagi (20 ta jamoa) gol urish bo‘yicha rekordni yangilagan edi.

Endi u umumiy rekordni takrorladi (o‘yinlar sonini hisobga olmaganda). Endi Koul (1993/94 yilgi mavsumda) va Alan Shirerning (1994/95) har birida 34 tadan gol bor edi - ular 22 jamoadan iborat 42 ta turlik chempionatda shuncha gol urishgan.