Мадриднинг “Реал” клуби бош мураббийи Карло Анчелотти Бразилия терма жамоасига тайинланиши мумкинлиги ҳақидаги миш-мишлардан хавотирланмаслигини айтди. Эслатиб ўтамиз, аввалроқ "Пентакампеонлар" италиялик мутахассисга ультиматум қўйгани ва келажаги ҳақида тезроқ қарор қабул қилиши кераклиги ҳақида хабарлар тарқалган эди.

“Мен келажагимни муҳокама қилиш мантиққа тўғри келмаслигини бир неча бор айтганман. Бразилия терма жамоаси менга қайси муддатни белгилагани менга қизиқ эмас. Мен ҳеч ким билан алоқада бўлмаганман", - деди Анчелотти матбуот анжуманида.

Эслатиб ўтамиз, Анчелоттининг "Реал" билан шартномаси 2024 йилгача мўлжалланган. Карло аввалроқ клубда шартномаси охиригача қолишни исташини айтганди.