"Челси"ни бошқариши мумкин бўлган Маурисио Почеттино "Бавария" футболчиси Садио Манени Лондон клубига олмоқчи, деб хабар бермоқда Football Insider нашри.
"Бавария" 31 ёшли сенегаллик футболчини 30 миллион фунтга сотишга тайёр.
"Челси" Манени ҳужумчи сифатида кўрмоқда. Бундан ташқари, Мане чап ва ўнг қанотда ҳам ўйнай олади.
Бу "тезкор келишув" бўлиши мумкин, чунки немис клуби футболчи билан ҳамкорликни тугатишга тайёр.
Жорий мавсумда Мане "Бавария" сафида 35 ўйинда 12 та гол урди ва 5 та голли узатмани амалга оширди.
Почеттинонинг тайинланиши тез орада тасдиқланиши кутилмоқда.
