Аргентина терма жамоаси ҳужумчиси Лаутаро Мартинес жорий мавсум сўнгида «Интер»ни тарк этиши мумкин.
Football Insider журналистларининг фикрича, жанубий америкалик футболчи Туманли Албионга бориши мумкин.
25 ёшли ҳужумчига «Манчестер Юнайтед» қизиқиш билдирмоқда. Потенциал транзакция суммаси тахминан 75 миллион еврони ташкил қилади.
«Қизил иблислар» агар «Тоттенхэм» ҳужумчиси Харри Кейн билан келиша олмаса, Лаутаронинг трансфери билан жиддий шуғулланади.
2022/2023 йилги мавсумда Мартинес 47 та ўйин ўтказиб, 21 та гол ва 7 та голли узатмани амалга оширган. Унинг «нерадзуррилар» билан шартномаси 2026 йилнинг ёзига қадар мўлжалланган.
