Бразилиялик мутахассис Вандерлей Лушембурго «Коринтианс» бош мураббийи лавозимини эгаллади, дея хабар беради клуб расмий сайти.
Томонлар жорий мавсум охиригача ҳисобланган қисқа муддатли меҳнат шартномасини туздилар.
Лушембурго бошчилигидаги дебют учрашувини жамоа бугун, 2 май куни ўтказади. Шу куни «Коринтианс» Либертадорес кубоги гуруҳ босқичида «Индепендиенте»га қарши ўйин ўтказади.
Вандерлей кўплаб Бразилия клубларида ишлаган. 70 ёшли мутахассис Европада ҳам тажрибага эга. У 2004/2005 йилги мавсумда «Реал»ни бошқарган.
