"Манчестер Сити" ҳимоячиси Кайл Уокер мавсумнинг сўнгги қисми олдидан жамоанинг формаси ҳақида гапирди.
Хосеп Гвардиола шогирдлари барча мусобақалар доирасидаги сўнгги 14 учрашувда 13 та ғалаба ва 1 марта дуранг ўйнашди.
"Биз жуда қулай вақтда шундай формага тушдик, аммо бу даражани сақлаб қолиш учун ҳаракат қилишимиз керак. Биз мақсадни жуда баланд қилиб қўйдик, лекин менимча, бу жамоанинг ҳақиқий даражаси. Мавсумнинг ҳал қилувчи қисмида ўзингизни исботлаш вақти келди", - дея Уокернинг сўзларини келтиради "Манчестер Сити" матбуот хизмати.