"Арсенал" бош мураббийи Микель Артета Премьер-лигада Лондоннинг "Челси" жамоаси билан бўлиб ўтадиган дерби ҳақида фикр билдирди.

"Челси" "Эмирейтс"га ғалаба қозониш учун келади. Уларда ажойиб мураббий ва ажойиб футболчилар бор. Шу сабабли, рақиблар қандай ҳаракат қилишини олдиндан айтиш жуда қийин, чунки улар ўйинни турли ўйинчилар ва турли сифатлар билан ўзгартириши мумкин.

Биз ўйинга тайёргарлик кўрамиз ва ғалаба қозонамиз, тамом. Бу бутунлай бошқача ўйин - "Лондон дерби"си бўлади. “Челси”да ҳам, бизда ҳам исботлаш учун нимадир бор. Стадиондаги муҳит ақл бовар қилмайдиган бўлади ва биз яна юқори поғонада бўлишимиз керак", - деди Артета клуб матбуот хизматига берган интервьюсида.