"Arsenal" bosh murabbiyi Mikel Arteta Premyer-ligada Londonning "Chelsi" jamoasi bilan bo‘lib o‘tadigan derbi haqida fikr bildirdi.

"Chelsi" "Emireyts"ga g‘alaba qozonish uchun keladi. Ularda ajoyib murabbiy va ajoyib futbolchilar bor. Shu sababli, raqiblar qanday harakat qilishini oldindan aytish juda qiyin, chunki ular o‘yinni turli o‘yinchilar va turli sifatlar bilan o‘zgartirishi mumkin.

Biz o‘yinga tayyorgarlik ko‘ramiz va g‘alaba qozonamiz, tamom. Bu butunlay boshqacha o‘yin - "London derbi"si bo‘ladi. “Chelsi”da ham, bizda ham isbotlash uchun nimadir bor. Stadiondagi muhit aql bovar qilmaydigan bo‘ladi va biz yana yuqori pog‘onada bo‘lishimiz kerak", - dedi Arteta klub matbuot xizmatiga bergan intervyusida.