Мадриднинг "Реал" клуби ярим ҳимоячиси Нико Пас бугун тунда ўз жамоаси сафида дебют қилиши мумкин.
18 ёшли испаниялик футболчи "Реал Сосьедад"га қарши ўйин учун жамоанинг кенгайтирилган таркибидан жой олди. Бу ҳақда “қироллик клуби” расмий сайти хабар бермоқда.
Эслатиб ўтамиз, Пас ҳозирда "Реал Мадрид" академиясининг энг иқтидорли тарбияланувчиларидан бири саналади. Шу билан бирга, футболчи Испания кубоги ўйинлари учун қайдномага киритилган бўлса-да, ҳали асосий таркибдаги дебютини ўтказмаган.
Эътиборлиси, "Реал Сосьедад"га қарши ўйинда "қаймоқранглилар" бош мураббийи Карло Анчелотти асосий футболчиларга дам беришга қарор қилди. Жангни Винисиус Жуниор ва Карим Бензема ўтказиб юборади.
