"ПСЖ" ўтган мавсумда воситачиларга энг кўп тўловлар бўйича рекорд ўрнатди.
Парижликларнинг фаолияти ҳақидаги маълумотни футбол клублари молиявий назорати бошқармаси (DNCG) тарқатди.
2021 йилнинг 1 июлидан 2022 йилнинг 30 июнига қадар пойтахт жамоаси агентлар учун 39,44 миллион евро сарфлаган. Таққослаш учун "Марсель" ва "Монако"нинг харажатлари келтирилган - мос равишда 10 миллион ва 9,2 миллион.
Бу "ПСЖ" учун рекорд сумма ҳисобланади. 2017/18 йилги мавсумда комиссиялар учун 23,2 миллион, ундан кейин 25,8 миллион, 26,9 миллион ва 28,45 миллион сарфланган.
Шу билан бирга, 181 миллион евро тўғридан-тўғри ўйинчиларнинг трансфери муносабати билан бошқа клубларга ўтказилган трансферларга кетган.
