"Саутгемптон" ярим ҳимоячиси Жеймс Уорд-Проуз "Тоттенхэм" сафига қўшилиши мумкин.
Football Talk хабарига кўра, Лондон клуби 28 ёшли ярим ҳимоячининг ўйинини кузатиш учун Англия Премьер-лигасининг 34-туридан ўрин олган "Ньюкасл" - "Саутгемптон" (3:1) учрашувига скаутларни юборган. Манбага кўра, омадсиз жорий мавсумдан сўнг "шпорлар" таркибида қайта қуриш режалаштирилмоқда ва агар бу йил "Саутгемптон" Премьер-лиганинг тарк этса, "Тоттенхэм" Уорд-Проузни қўлга киритиш учун ажойиб имкониятга эга бўлади.
2022/23 йилги мавсумда футболчи барча мусобақаларда 41 та ўйин ўтказиб, 9 та гол урди ва 3 та голли узатма муаллифига айланди. Ярим ҳимоячининг "авлиёлар" билан шартномаси 2026 йилгача мўлжалланган. Англиялик футболчининг трансфер нархи 38 миллион еврога баҳоланмоқда.
