Миланнинг "Интер" клуби "Наполи"дан йигирма икки очкога ортда қолмоқда ва ҳатто назарий жиҳатдан Италия чемпионлигига даъво қила олмайди.
Аммо клубнинг собиқ тўпурари Кристиан Вьери "Интер" Италия чемпионатининг энг яхши жамоаси эканлигига ишонч билдирмоқда.
"Интер" нафақат кучли, балки А Сериядаги бошқа жамоалардан анча кучли. Чемпионатнинг энг яхши жамоаси. "Лацио"га қарши ўйинда кимнинг кимлиги аниқ бўлди. "Наполи"дан йигирма икки очко ортда қоляпти? Мураббий ҳар доим бундай ишларда айбни ўз бўйнига олади, Италияда бу қандай ишлашини биласиз" - деди Вьери ITASportPress билан суҳбатда.