"Бавария" ёзги трансфер ойнасида ҳужумчи Садио Манени сотишга тайёр, дея хабар беради 90min.
Нашрнинг ёзишича, клуб бу трансфер умидларни оқламади, футболчининг ўзи эса жамоага мослаша олмаяпти, деб ҳисобламоқда, буни яқинда Лерой Сане билан юзага келган можаро тасдиқлаган.
Шунингдек, "Бавария" бош мураббийи Томас Тухель Маненинг ўйинидан қойил қолгани йўқ, шунингдек, ҳужумчини жамоада олиб қолиш учун ҳеч қандай сабаб кўрмаяпти.
Мане "Бавария"да 2022 йилнинг ёзидан буён тўп суради.
У жорий мавсумда барча турнирларда 35 та ўйинда майдонга тушиб, 12 та гол урди ва 5 та голли узатмани амалга оширди.
