"ПСЖ" раҳбарияти жамоа ҳужумчиси Лионель Мессини аргентиналик футболчининг Саудия Арабистонига рухсатсиз саёҳати учун жазолади, деб хабар беради RMC Sport.
Кеча, 1 май куни ҳужумчи клуб жойлашган жойини бош мураббий Кристоф Галтье ва футбол маслаҳатчиси Луиш Кампушнинг рухсатисиз тарк этгани маълум бўлди.
Манбага кўра, "ПСЖ" Мессини икки ҳафтага жамоадан четлатган.
Аргентиналик футболчининг парижликлар билан шартномаси 2023 йилнинг ёзида якунига етади.
Жорий мавсумда ҳужумчи жамоа сафида барча турнирлар доирасида 37 та ўйинда майдонга тушиб, 20 та гол урди ва 19 та голли узатмани амалга оширди.
