"PSJ" rahbariyati jamoa hujumchisi Lionel Messini argentinalik futbolchining Saudiya Arabistoniga ruxsatsiz sayohati uchun jazoladi, deb xabar beradi RMC Sport.

Kecha, 1 may kuni hujumchi klub joylashgan joyini bosh murabbiy Kristof Galtye va futbol maslahatchisi Luish Kampushning ruxsatisiz tark etgani ma’lum bo‘ldi.

Manbaga ko‘ra, "PSJ" Messini ikki haftaga jamoadan chetlatgan.

Argentinalik futbolchining parijliklar bilan shartnomasi 2023 yilning yozida yakuniga yetadi.

Joriy mavsumda hujumchi jamoa safida barcha turnirlar doirasida 37 ta o‘yinda maydonga tushib, 20 ta gol urdi va 19 ta golli uzatmani amalga oshirdi.