«Реал Сосьедад»нинг ярим ҳимоячиси Такефуса Кубо кеча «Реал» дарвозасига урган голидан кейин ўз ҳис-туйғулари билан ўртоқлашди.
Эслатиб ўтамиз, ўйин баскларнинг 2:0 ҳисобидаги ғалабаси билан якунланди. Учрашувнинг 47-дақиқасида Кубо ҳисобни очди.
«Реал»га урган голим мен учун алоҳида аҳамиятга эга лаҳзадир. Бу клуб дунёдаги энг буюк клубдир», - деди япониялик футболчи ўйиндан кейинги интервьюсида.
Эслатиб ўтамиз, Кубо ўтган ёзда Мадрид жамоасини тарк этганди. Бунгача ярим ҳимоячи бир неча бор ижарага берилган.
Кубо Ла Лиганинг ушбу мавсумида 8 та гол ва 3 та голли узатмага муаллифлик қилди. Аввалроқ, «Реал» раҳбарияти ярим ҳимоячининг қайтишидан манфаатдор экани ҳақида хабарлар тарқалган эди.
