«Real Sosyedad»ning yarim himoyachisi Takefusa Kubo kecha «Real» darvozasiga urgan golidan keyin o‘z his-tuyg‘ulari bilan o‘rtoqlashdi.
Eslatib o‘tamiz, o‘yin basklarning 2:0 hisobidagi g‘alabasi bilan yakunlandi. Uchrashuvning 47-daqiqasida Kubo hisobni ochdi.
«Real»ga urgan golim men uchun alohida ahamiyatga ega lahzadir. Bu klub dunyodagi eng buyuk klubdir», - dedi yaponiyalik futbolchi o‘yindan keyingi intervyusida.
Eslatib o‘tamiz, Kubo o‘tgan yozda Madrid jamoasini tark etgandi. Bungacha yarim himoyachi bir necha bor ijaraga berilgan.
Kubo La Liganing ushbu mavsumida 8 ta gol va 3 ta golli uzatmaga mualliflik qildi. Avvalroq, «Real» rahbariyati yarim himoyachining qaytishidan manfaatdor ekani haqida xabarlar tarqalgan edi.
