"Манчестер Сити" норвегиялик ҳужумчи Эрлинг Холандга янги шартнома таклиф қилди. Tribal Football нашрининг маълум қилишича, скандинавиялик футболчи "шаҳарликлар"нинг шартларини қабул қилмаган.
Манчестер клуби сотиб олиш вариантини бекор қилиш орқали шартноманинг молиявий томонини яхшиламоқчи эди. Келгуси мавсумдан бошлаб Эрлинг учун 200 миллион евро товон пули мавжуд бўлади. Томонлар ўртасидаги амалдаги шартнома муддати 2027 йилнинг ўрталаригача мўлжалланган.
"Манчестер Сити" Холанднинг эҳтимолий кетишидан ўзини ҳимоя қилмоқчи эди, бироқ футболчи бу таклифни рад этди.
Форвард ўтган ёзда "шаҳарликлар" сафига қўшилганди. Англия чемпионатининг жорий мавсумида у 30та ўйин ўтказиб, 34та гол урган.