"Manchester Siti" norvegiyalik hujumchi Erling Xolandga yangi shartnoma taklif qildi. Tribal Football nashrining ma’lum qilishicha, skandinaviyalik futbolchi "shaharliklar"ning shartlarini qabul qilmagan.
Manchester klubi sotib olish variantini bekor qilish orqali shartnomaning moliyaviy tomonini yaxshilamoqchi edi. Kelgusi mavsumdan boshlab Erling uchun 200 million yevro tovon puli mavjud bo‘ladi. Tomonlar o‘rtasidagi amaldagi shartnoma muddati 2027 yilning o‘rtalarigacha mo‘ljallangan.
"Manchester Siti" Xolandning ehtimoliy ketishidan o‘zini himoya qilmoqchi edi, biroq futbolchi bu taklifni rad etdi.
Forvard o‘tgan yozda "shaharliklar" safiga qo‘shilgandi. Angliya chempionatining joriy mavsumida u 30ta o‘yin o‘tkazib, 34ta gol urgan.