"Брайтон" ярим ҳимоячиси Алексис Макаллистер "Ливерпуль"га ўтишга яқин турибди.
24 ёшли футболчи ёзги трансфер ойнасида албатта клубини ўзгартиради. "Манчестер Юнайтед" ва "Ливерпуль" узоқ вақтдан бери унга асосий даъвогарлар саналиб келган. Инсайдер Фабрицио Романонинг сўзларига кўра, яқинда мерсисайдликлар Аргентина терма жамоаси ярим ҳимоячисининг трансфери бўйича музокараларда олдинга силжишган. Клуб аллақачон футболчини ўз лойиҳаси билан таништирган. Макаллистернинг ўзи имкон қадар тезроқ ўтишни расмийлаштиришга умид қилмоқда.
Жорий мавсумда жаҳон чемпиони “Брайтон” сафида 33 та ўйин ўтказиб, ўнта гол ва иккита голли узатмага муаллифлик қилган. Transfermarkt унинг нархини 42 миллион еврога баҳоламоқда.
