Ҳужумчи Воут Вегхорстнинг келажаги ноаниқлигича қолмоқда.
30 ёшли футболчи жорий мавсум охиригача «Бёрнли»дан ижарага олинган. Шартнома сотиб олиш вариантини ўз ичига олмайди, аммо голландиялик футболчининг ўзи, сўнгги маълумотларга кўра, доимий равишда «Манчестер Юнайтед»да қолишни истайди.
Инсайдер Экрем Кўнурнинг сўзларига кўра, «қизил иблислар» ҳали ҳужумчи трансфери бўйича музокаралар олиб бормаяпти.
Клуб раҳбарияти футболчининг тўлиқ трансферини амалга ошириш ёки оширмаслик борасида ҳали бир қарорга келмаган.
Воут Вегхорст Эрик тен Хаг жамоаси сафида барча мусобақаларда 25 та ўйинда майдонга тушиб, 2 та гол урди ва 3 та голли узатмани амалга оширган.
