Hujumchi Vout Vegxorstning kelajagi noaniqligicha qolmoqda.

30 yoshli futbolchi joriy mavsum oxirigacha «Byornli»dan ijaraga olingan. Shartnoma sotib olish variantini o‘z ichiga olmaydi, ammo gollandiyalik futbolchining o‘zi, so‘nggi ma’lumotlarga ko‘ra, doimiy ravishda «Manchester Yunayted»da qolishni istaydi.

Insayder Ekrem Ko‘nurning so‘zlariga ko‘ra, «qizil iblislar» hali hujumchi transferi bo‘yicha muzokaralar olib bormayapti.

Klub rahbariyati futbolchining to‘liq transferini amalga oshirish yoki oshirmaslik borasida hali bir qarorga kelmagan.

Vout Vegxorst Erik ten Xag jamoasi safida barcha musobaqalarda 25 ta o‘yinda maydonga tushib, 2 ta gol urdi va 3 ta golli uzatmani amalga oshirgan.