Лондоннинг «Челси» клуби собиқ бош мураббийи Жозе Моуриньо украиналик ҳужумчи Андрей Шевченконинг «аристократлар» лагеридаги фаолияти нима учун омадсиз бўлганини сабаблари ҳақида гапирди.

«У «Челси»да биринчи рақамли эмас эди. Кейин бошқа ўйинчидан ҳужум қилишни сўрадим. Лекин Шевченкони менга таклиф қилишганда, мен рози бўлгандим, чунки у шубҳасиз юқори савияли футболчи эди.

«Милан»да Андрей шаҳзодага ўхшарди, аммо Лондонда у бошқа фалсафага амал қилди. Бизда шаҳзодалар йўқ эди», - деди Моуриньо.

«Челси» таркибида Андрей 77 та ўйин ўтказиб, 22 та гол ва 10 та голли узатмани амалга оширган.