ФИФА рефериси Валентин Коваленко 3 ноябр куни Ироқнинг Арбил ёки Таиланднинг Чонбури шаҳрида ўтказиладиган ОФК Кубоги финалини бошқаради. Бу ҳақда ЎФФ матбуот хизмати твиттери хабар тарқатмоқда.
Манбада ёзилишича унга ассистентлари Рафаэл Ильясов, Маъмур Саидқосимовлар ва тўртинчи ҳакам сифатида Владислав Цейтлинлар ёрдам беришади.
Эслатиб ўтамиз, ОФК Кубоги финали 3 ноябрда ўтказилади. Унга «Арбил» - «Чонбури» жуфтлиги ғолиби мезбонлик қилади. Ушбу ярим финал ўйинидан сўнг Ироқ ёки Таиланддан қай бири мезбонлик қилиши маълум бўлади.













