"Атлетико Мадрид" ярим ҳимоячиси Янник Карраско келаси мавсумда "Барселона"да ўйнаши мумкин.
Журналист Ферран Корреаснинг сўзларига кўра, бельгиялик футболчининг келишуви жорий мавсумда "Осасуна"да ижара асосида ўйнаётган Абде Эззалзулига боғлиқ.
Эътиборли томони шундаки, Эззалзули катта эҳтимол билан “Барселона”да яна бир мавсум қолади, аммо “кўк-анорранглилар” фойдали таклиф тушса, футболчини сотиши мумкин. Бу ҳолатда унинг ўрнини босадиган биринчи вариант Карраско бўлади. Унинг "Атлетико" билан шартномаси 2024 йилнинг ёзида тугайди.
21 ёшли Эззалзули Испания чемпионатининг жорий мавсумида 3 та гол урди ва иккита голли узатмани амалга оширди.
