"Реал Мадрид" ярим ҳимоячиси Лука Модрич "Осасуна"га қарши Испания кубоги финалини асосий таркибда бошлайди.
Diario AS нашри хабарига кўра, хорватиялик футболчининг соғлиғи учрашувни илк дақиқалардан бошлашга имкон беради.
Эслатиб ўтамиз, Модрич жароҳати туфайли жамоасининг сўнгги ўйинини ўтказиб юборган эди. Хорватиялик футболчи нафақат Испания кубоги финалини, балки ҳеч бўлмаганда “Манчестер Сити”га қарши Чемпионлар лигаси ярим финалининг биринчи ўйинини ўтказиб юборади, деган хавотирлар бор эди. Бироқ Лука "Осасуна" билан дуэл учун таркибга қайтди.
Модрич жорий мавсум Испания чемпионатида 4 та гол урди ва 3 та голли узатмани амалга оширди. Мадридликлар раҳбарияти хорватиялик ярим ҳимоячининг муддати тугайдиган шартномасини узайтирмоқчи.
