"Real Madrid" yarim himoyachisi Luka Modrich "Osasuna"ga qarshi Ispaniya kubogi finalini asosiy tarkibda boshlaydi.
Diario AS nashri xabariga ko‘ra, xorvatiyalik futbolchining sog‘lig‘i uchrashuvni ilk daqiqalardan boshlashga imkon beradi.
Eslatib o‘tamiz, Modrich jarohati tufayli jamoasining so‘nggi o‘yinini o‘tkazib yuborgan edi. Xorvatiyalik futbolchi nafaqat Ispaniya kubogi finalini, balki hech bo‘lmaganda “Manchester Siti”ga qarshi Chempionlar ligasi yarim finalining birinchi o‘yinini o‘tkazib yuboradi, degan xavotirlar bor edi. Biroq Luka "Osasuna" bilan duel uchun tarkibga qaytdi.
Modrich joriy mavsum Ispaniya chempionatida 4 ta gol urdi va 3 ta golli uzatmani amalga oshirdi. Madridliklar rahbariyati xorvatiyalik yarim himoyachining muddati tugaydigan shartnomasini uzaytirmoqchi.