"Ньюкасл" бош мураббийи Эдди Хау жамоасига АПЛ кучли тўртлигидан жой кафолатланмаган деб ҳисоблайди. “Қарғалар” айни дамда Англия Премьер-лигасида учинчи ўринни эгаллаб туришибди, мусобақа якунланишига бешта тур қолганида улар бешинчи ўриндан 6 очко олдинда бормоқда.
“Ҳали ҳеч нарса тугамади. Биз охиригача курашадиган элита жамоаларига қарши курашяпмиз. Биз ҳам шундай қилишимиз керак. Қолган бешта ўйинда биз мавсумни иложи борича яхши якунлаш учун боримизни максимал даражада беришимиз керак. "Арсенал" билан ўйин? Мен Микель Артетани жуда ҳурмат қиламан, у ўз жамоаси билан ақл бовар қилмайдиган ишни бажарди”, деди Хау матбуот анжуманида.
