«Наполи» мухлислари махсус сайтларда «Удинезе» аренасидан чим бўлакларини сотишни бошлади. Эслатиб ўтамиз, кеча айнан шу аренада неаполликлар маҳаллий клуб билан дуранг ўйнаб, чемпионликни расмийлаштирганди - 1:1.
Финал ҳуштаги янграганидан сўнг мухлислар ўз футболчилари билан байрамни баҳам кўриш учун аренага югуришди.
Йўлда улар футбол майдонининг майсазор қисмларини йиртиб ташлашни бошладилар ва бугун Интернетда кичик чемпионат рамзлари сотилиши ҳақидаги эълонлар пайдо бўлди.
Бундай «кубок»нинг минимал миқдори 100 еврони ташкил қилади. Баъзи намуналарни 700 еврога сотиб олиш мумкин.
