Каталониянинг "Барселона" клуби марказий ҳимоячи Андреас Кристенсенни ёзги трансфер ойнасида сотиш ниятида эмас.

Sport нашрининг ёзишича, даниялик марказий ҳимоячининг нархи юқори баҳоланади.

Жорий мавсумдаги сифатли ўйин учун мукофот сифатида "Барселона" кейинги мавсумда Кристенсенга янги шартнома таклиф қилмоқчи. Андреаснинг ўзи "Камп Ноу"да бахтли ва клубини ўзгартириш ниятида эмас.

Кристенсен ўтган ёзда "Челси"дан "Барселона"га текинга ўтган эди. Аввалроқ ҳимоячига Англия Премьер-лигасининг яна бир клуби "Астон Вилла" қизиқиш билдираётгани ҳақида хабар берилганди.