"Реал" дарвозабони Тибо Куртуа ҳакамлик ҳақида фикр билдирди. Бельгиялик посбон ҳакамлар мадрид грандига қаттиққўл муносабатда бўлишади, деб ҳисоблайди.
"Сиз буни “Аноэта” стадионида кўрдингиз. Биз осон нишонмиз. Битта норозилик билдирамиз ва дарҳол сариқ карточкани оламиз. Балки, бошқа жамоаларда бундай бўлмаслиги мумкин", - деди Куртуа Movistar+ билан суҳбатда.
Мадриднинг “Реал” клуби айни дамда Испания чемпионати турнир жадвалида учинчи ўринда бормоқда. Шанба куни Карло Анчелотти шогирдлари Испания кубоги финал учрашувини “Осасуна”га қарши ўтказади.
