Харри Кейн Премьер-лига тарихидаги энг яхши тўпурарлар рўйхатида яққол иккинчи ўринга кўтарилиб олди.
"Тоттенхэм" ҳужумчиси Англия чемпионатининг 35-турида "Кристал Пэлас"га қарши ўйинда (1:0) ҳисобни очди. Ҳозирда 29 ёшли футболчи АПЛда 317 та ўйинда 209 та гол урган.
Кейн лига тарихидаги тўпурарлар рўйхатида Уэйн Рунидан ўзиб кетди - "Манчестер Юнайтед" ва "Эвертон"нинг собиқ ҳужумчиси 491 учрашувда 208 та гол урган.
Алан Ширер 441 ўйинда 260 та гол урган ҳолда Премьер-лига тарихидаги энг яхши тўпурар бўлиб қолмоқда.