"ПСЖ" "Манчестер Юнайтед"га тегишли бўлган "Барселона" форварди Маркус Рэшфорд хизматига қизиқиш билдирмоқда.
Marca хабарига кўра, парижликлар ҳужумчи трансфери учун "қизил иблислар"га 50 миллион евро таклиф қилмоқчи. Футболчининг Каталония клуби билан ижара шартномасида сотиб олиш имконияти бор, у 30 миллион еврони ташкил қилади.
"Барселона" Маркус Рэшфордни 2025 йилнинг ёзида "Манчестер Юнайтед"дан жорий мавсум якунига қадар ижарага олди. Жорий мавсумда англиялик футболчи "кўк-анорранглилар" сафида барча мусобақаларда 27 та ўйинда майдонга тушиб, еттита гол урди ва 11 та голли узатмани амалга оширди. Transfermarkt портали Рэшфорднинг нархини 40 миллион еврога баҳоламоқда.













