Лионель Месси билан боғлиқ янги хабарлар пайдо бўлди.
Footmercato нашрининг ёзишича, "ПСЖ" раҳбарияти аргентиналик футболчини жамоада сақлаб қолишга уриниб кўрмоқчи. Парижликлар раҳбарияти Лионелга молиявий жиҳатдан фойдали таклиф билан чиқди, лекин унинг тафсилотлари ошкор этилмади.
Месси ва "ПСЖ" ўртасидаги амалдаги шартнома шу йилнинг ёзида тугайди. Яқинда Лионель Саудия Арабистонига рухсатсиз ташриф буюргани учун жамоадан четлатилган эди.
35 ёшли аргентиналик футболчининг фаолиятини давом эттириш вариантлари орасида "Барселона" ва Саудиянинг "Ал-Ҳилол" клублари ҳам бор.
