Сўнгги кунларда Лионель Мессининг "Ал-Ҳилол"га ўтиши ҳақидаги миш-мишлар фаол тарқалмоқда. Саудия клуби аргентиналик футболчига шунчаки космик маблағ - йилига 400 миллион евро тўлашга тайёрлиги ҳақида маълумотлар бор.
"Ал-Ҳилол" бош мураббийи Рамон Диас матбуот анжуманида Мессининг трансфери ҳақидаги миш-мишларга муносабат билдирди.
"Ҳозир бор эътиборимизни финал ўйинига қаратганмиз. Ва кейин нима бўлишини кўрамиз", - деб жавоб берди Диас.
Эслатиб ўтамиз, Лионель Мессининг "ПСЖ" билан амалдаги шартномаси июнь ойининг сўнгги кунида тугайди.
