Англия Премьер-лигасининг 35-тури доирасида “Манчестер Юнайтед” Лондоннинг “Вест Хэм” жамоаси билан учрашди. "Қизил иблислар" 0:1 ҳисобида мағлуб бўлишди. Ягона гол биринчи бўлимда Саид Бенрахма томонидан киритилди.
Эътиборлиси, Эрик тен Хаг шогирдлари барча мусобақалардаги сўнгги олтита ўйиннинг тўрттасида гол ура олмаган. Умуман олганда, "манкунианликлар" бу ўйинларда атиги учта гол уришди.
Англия Премьер-лигасининг 34-туридан сўнг “Манчестер Юнайтед” 63 очко жамғариб, турнир жадвалида учинчи ўринда бормоқда. “Манчестер Юнайтед” навбатдаги ўйинини “Вулверхэмптон”га қарши ўтказади.
