Кеча, шунингдек, ОФК кубогининг дастлабки ярим финал учрашувлари бўлиб ўтди ва ҳар иккала ўйинда мезбонлар йирик — 4:1 ҳисобида ғалаба қозонишди.

Ироқнинг "Арбил" клуби Таиланднинг "Чонбури" клубини қабул қилди. Биринчи бўлимдан кейин ҳисоб 1:0 эди. Иккинчи бўлим бошида меҳмонлар ҳисобни тенгаштиришди. Бироқ кейинчалик ироқликлар ташаббусни бутунлай қўлга киритишди ва ҳисобни йирик кўринишга олиб келишди.

Мусобақа ғолиблигига асосий даъвогар ҳисобланаётган Саудия Арабистонининг "Ал-Иттифоқ" клуби кутилмаганда Кувайтда йирик мағлубиятга учради. Ўйиннинг 7 ва 11-дақиқаларида "Кувайт" СК 2та тўп киритишга муваффақ бўлди (ҳар иккала голни Иссам Жемаъ урди). 24-дақиқага келиб саудияликлар 1та жавоб тўпини киритишди. Иккинчи бўлимнинг 58-дақиқасида кувайтликлар учинчи голни уришди ва орадан бир дақиқа ўтиб мезбонлар футболчиси Волид Али ўзининг иккинчи сариқ карточкасини олиб, майдонни тарк этди. Ярим соатдан кўпроқ вақт давомида кўпчилик бўлиб ўйнаган меҳмонлар бундай имкониятдан фойдалана олишмади. Аксинча, ўйиннинг асосий вақтига қўшиб берилган дақиқаларда Носир ал-Қаҳтоний жамоасининг тўртинчи голини уришга муваффақ бўлди. Жавоб учрашуви олдида "Кувайт" СК катта устунликка эга бўлиб олди.

Жавоб ўйинлари 23 октябрь куни бўлиб ўтади. Финал эса 3 ноябрга белгиланган.

ОФК КУБОГИ. ЯРИМ ФИНАЛ. ДАСТЛАБКИ ЎЙИНЛАР

"АРБИЛ" (Ироқ) - "ЧОНБУРИ" (Таиланд) - 4:1
"КУВАЙТ" СК (Кувайт) - "АЛ-ИТТИФОҚ" (Саудия Арабистони) - 4:1