Лионель Месси ҳали келажаги ҳақида бир қарорга келмаган.
TyC Sport журналисти Гастон Эдул хабарига кўра, аргентиналик футболчи бу мавсумдан кейин фаолиятини қаерда давом эттиришини ҳали ҳал қилмаган. Бир неча ҳафта давомида унинг устуворлиги Европада чиқишни давом эттириш эди.
Сезар Луис Мерлонинг ёзишича, Мессига "Ал-Ҳилол"дан расмий таклиф бор, бироқ у таклифни ҳали қабул қилмаган. Футболчи келажаги ҳақида Лига 1 мавсуми якунланганидан кейин қарор қабул қилишни режалаштирмоқда.
Франция чемпионатининг жорий мавсумида Лионель 28 ўйин ўтказиб, 15 гол ва 15 голга ассистентлик қилган.
