"Манчестер Сити" ярим ҳимоячиси Илкай Гюндоган "Барселона"га ўтишга яқин турибди.
90min хабарига кўра, Каталония клуби 32 ёшли германиялик ярим ҳимоячи билан потенциал келишувга ишонмоқда. Гюндоганнинг "Манчестер Сити" билан шартномаси шу ёзда тугайди ва "Барселона" футболчини текинга сотиб олишни режалаштирмоқда. Аммо шуни таъкидлаш жоизки, "шаҳарликлар" бош мураббийи Хосеп Гвардиола ўз футболчисини қўйиб юборишни истамаяпти ва ярим ҳимоячи ҳали ҳам клуб билан шартномани узайтиришига умид қилмоқда.
Гюндоган жорий мавсумда барча турнирлар доирасида 45 та ўйинда майдонга тушиб, 7 та гол урди ва 5 та голли узатмани амалга оширди.
